राष्ट्रिय प्रजातन्त्र पार्टी (राप्रपा) का प्रवक्ता मोहन श्रेष्ठले नेपालमा दर्ता नभएका सामाजिक सञ्जाल बन्द गर्ने सरकारको निर्णयमा नेपाली कांग्रेसको धारणा खोजेका छन्।
उनले नियमन गर्नुपर्ने विषय नियमन गरिनैपर्ने र सार्थक संवादबाट समाधान खोज्न नसक्नु चाहिँ सरकारको असफलता भएको पनि बताएका छन्।
‘सत्ता साझेदार दल नेपाली कांग्रेसको प्रजातन्त्र, मानवअधिकार, अभिव्यक्ति स्वतन्त्रता, नागरिक हक अधिकारका दस्तावेजहरूमा धमिरा लागेकै हुन्?,’ उनले कांग्रेसलाई लक्ष्य गर्दै सामाजिक सञ्जाल फेसबुकमा लेखेका छन्।
उनले आफ्नो असफलताबाट सिर्जित परिस्थितिलाई जबरजस्ती जनतामाथि थोपर्नु सरकारको नालायिकी भएको पनि बताएका छन्।
‘बहाना खोजिरहेको सरकार सामाजिक सञ्जाल नै बन्द गरेर अधिनायकवादतर्फ अघि बढ्ने खतरा देखिएको छ। सचेत र सजग बनौं,’ उनले भने।
सरकारले नेपालमा दर्ता नभएका सामाजिक सञ्जाल बन्द गर्ने निर्णय गरेको छ।
-1746009348.jpg)
