कोशी प्रदेशको राजधानी विराटनगरमा पनि जेनजी (सन् १९९७ देखि २०१२ भित्र जन्मिएका) पुस्ताले आज प्रदर्शन गरेका छन्।
सरकारले सामाजिक सञ्जाल बन्द गरेको र भ्रष्टाचार बढेको भन्दै जेनजीले प्रदर्शन गरेका हुन्।
प्रदर्शनमा सहभागी महेन्द्र मोरङ कलेज विराटनगरमा स्नातक पढ्दै आएका विद्यार्थी जमसेद जेके रोजले देश भ्रष्टाचारले थिलोथिलो भएको बताए।
‘हामी विद्यार्थी यो देखेर आजित छौं। हरेक युवा विदेश सोचिरहेको छ। विराटनगरमा सडक हेर्नुस्, बेथिति हेर्नुस् सबै हेर्दा रगत उम्लिन्छ। हामी यो असन्तोष सामाजिक सन्जालमा पोख्थिम। त्य्ही बन्द गरेर केपी ओलीले हाम्रो आवाज बन्द गर्ने गलत प्रयास गरेका छन्। हाम्रो आवाज रोकिन्न। हामी देशप्रेमी हौं। जस्तोसुकै बलिदान गर्न तयार छौं तर अब यी नेताहरूको मनपरि सहन्नौं,' उनले सेतोपाटीसँग कुराकानी गर्दै भने।
काठमाडौं र पोखरामा पनि जेनजीले आज प्रदर्शन गरेका छन्।
तस्बिरहरू:
-1746009348.jpg)
