विराटनगरमा जारी जेनजीको प्रदर्शन कोशी प्रदेश सभा भवनतर्फ अगाडि बढेको छ।
ट्राफिक चोकबाट अगाडि बढेको जेनजी प्रदर्शन प्रदेश सभा भवनतर्फ अगाडि बढेको हो।
उनीहरूलाई हस्पिटल चोक अगाडिको मूल सडकमा प्रहरीले रोकेको छ।
प्रहरीले ब्यारिकेड राखेर भिडलाई अगाडि बढ्न दिएको छैन।
विराटनगरमा निस्किएको जेनजीको जुलुसमा थरीथरीका नारा गुन्जिरहेका छन्।
सबैभन्दा धेरै प्रधानमन्त्री केपी शर्मा ओली विरोधी नारा गुन्जिरहेको जेनजी जुलुसका सहभागीहरुले काठमाडौं महानगरका मेयर बालेन शाहको भने पक्षमा नाराबाजी गरेका छन्।
‘हाम्रो नेता कस्तो होस्, बालेन शाह जस्तो होस्’, जेनजीले लगाएको नारा हो यो।
यसबाहेक ‘आयो, आयो जेनजी आयो, भ्रष्टाचार सहन्नौं, नेतातन्त्र मुर्दावाद, भ्रष्टाचार बन्द गर, सामाजिक सन्जाल खुला गर’ जस्ता नारा घन्काउँदै जेनजीको विशाल जुलुस यतिबेला देवकोटा चोकमा रहेको कोशी प्रदेशसभातिर जाने प्रयासमा छ।
तर, प्रहरीले तीन सय मिटर पश्चिममा ब्यारिकेड राखेर उनीहरुलाई प्रदेशसभातिर जानबाट रोकेको छ।
-1746009348.jpg)
