काठमाडौंको सिनामंगलस्थित केएमसी अस्पतालमा थप एक जनाको मृत्यु भएको छ।
अस्पतालका प्रशासन प्रमुख नारायणप्रसाद दाहालका अनुसार गोली लागेका एक जनाको मृत्यु भएको हो। योसँगे मृतकको संख्या ६ पुगेको छ।
‘तीन जना गम्भीर घाइतेलाई ल्याइएको थियो। त्यसमध्ये एक जनाको मृत्यु भएको छ। उहाँको गोली लागेको थियो। बाँकी दुई जनाको अपरेशन भइरहेको छ। उहाँहरूको पनि अवस्था अत्यन्तै गम्भीर छ,’ दाहालले सेतोपाटीसँग भने।
यस्तै ३० जनाभन्दा बढी घाइतेहरू केएमसी अस्पतालमा लगिएको छ।
यसअघि सिभिल अस्पतालमा एक जना र ट्रमा सेन्टरमा चार जनाको मृत्यु भएको हो।
जेनजीले आज काठमाडौंलगायत देशका विभिन्न सहरमा प्रदर्शन गरेका थिए। सामाजिक सञ्जाल बन्द र भ्रष्टाचारविरूद्ध उनीहरूले प्रदर्शन गरेका थिए।
-1746009348.jpg)
