जेनजी प्रदर्शनकारीले झापाको दमक नगरपालिकामा पनि तोडफोड गरेका छन्।
केही प्रदर्शनकारी प्रधानमन्त्री केपी शर्मा ओलीको दमकमा रहेको घरतिर अघि बढेका छन्।
दमक प्रहरीका एक अधिकृतले दिएको जानकारी अनुसार प्रदर्शनकारीहरूले नगरपालिकामा तोडफोड गरेकाहरू प्रधानमन्त्रीको घरतिर अघि बढेका हुन्।
‘प्रधानमन्त्रीको घरतिर आन्दोलनकारी अघि बढेपछि हामी त्यता केन्द्रित छौं,’ ती प्रहरी अधिकृतले भने।
दमकमा सोमबार भएको जेनजी प्रदर्शनमा प्रहरीले रबरको गोली प्रहार गरेको थियो। गोली लागेर एक जना घाइते भएका छन्।
कमल गाउँपालिका वडा नम्बर ५ का प्रकाश भट्टराईलाई तिघ्रामा गोली लागेको छ।
-1746009348.jpg)
