नेपाली कांग्रेसका केन्द्रीय सदस्य नैनसिंह महरले काठमाडौंलगायत देशका विभिन्न स्थानमा युवा पुस्ता (जेनजी) प्रदर्शन गरिरहेकोले उनीहरूको मागप्रति सरकार संवेदनशील हुनुपर्ने बताएका छन्।
प्रदर्शनका क्रममा भएको हिंसात्मक घटनाप्रति उनले दु:ख पनि प्रकट गरेका छन्।
नेता महरले सरकारलाई अभिभावकीय भूमिका खेलेर जिम्मेवार बन्न र आन्दोलनकारीका मागहरूलाई सम्बोधन गर्न आग्रह गरेका हुन्।
‘सरकारले अभिभावकको भूमिका निर्वाह गर्दै उनीहरूका माग सम्बोधन गरी भविष्यप्रति आशा जगाउनुपर्छ,’ उनले भने।
जेनजीले सामाजिक सञ्जाल बन्द र भ्रष्टाचारविरूद्ध प्रदर्शन गरेका हुन्।
अहिलेसम्म काठमाडौंमा १५ जनाको मृत्यु भइसकेको छ।
-1746009348.jpg)
