ललितपुरका तीन वटा स्थानमा पनि प्रशासन कार्यालयले भेला जुलुस गर्न रोक लगाएको छ।
काठमाडौंको बानेश्वर र इटहरीमा भएको जेनजी आन्दोलनमा कम्तीमा पनि १९ जनाको मृत्यु भएको छ। यस क्रममा काठमाडौं प्रशासनले बानेश्वर र संवेदनशील स्थानमा कर्फ्यू आदेश जारी गरेको छ।
ललितपुर क्षेत्रमा पनि संवेदनशील क्षेत्रहरूमा प्रदर्शन गर्न रोक लगाएको हो।
‘सोमबार साँझ ६ बजेदेखि लागू हुने गरी अर्को सूचना जारी नभएसम्मका लागि सर्वसाधरण तथा सवारी साधन आवतजावत बाहेक कुनै पनि किसिमको सभा, जुलुस, भेला, धर्ना जस्ता कार्यहरू गर्न निषेध गरिएकोले सबैको जानकारीको लागि यो सूचना प्रकाशित गरिएको छ,’ प्रशासनले भनेको छ।
पुल्चोकस्थित युएन हाउस र न्यायाधीश निवासको २०० मिटर क्षेत्रमा निषेध गरिएको छ।
त्यस्तै भैसेपाटीस्थित नयाँ मन्त्री निवास क्षेत्रमा र सानेपाको कांग्रेस पार्टी केन्द्रीय कार्यालयमा समेत निषेध गरिएको छ।
-1746009348.jpg)
