काठमाडौंमा ट्रमा सेन्टरमा मृत्यु भएका मध्ये ४ जनाको पहिचान खुलेको छ।
बानेश्वरमा भएको जेनजीको आन्दोलन क्रममा प्रहरीले गोली चलाउँदा घाइते भएकामध्ये ८ जनाको ट्रमा सेन्टरमा मृत्यु भएको छ।
पहिचान खुलेका चार जनामध्ये एक जना ग्लोबल कलेजमा अध्ययनरत अन्दाजी १९ वर्षीय श्रीयाम चौलागाईं छन्।
त्यस्तै अरू तीन जना बाँके घर भएका २१ वर्षीय सुलभ राज श्रेष्ठ, कीर्तिपुर बस्ने ४२ वर्षीय बुद्धि तामाङ र २८/३० वर्षीय गौरव जोशी छन्।
अन्य चार जनाको भने नाम नखुलेको ट्रमा सेन्टरले जनाएको छ।
ट्रमा सेन्टरका अनुसार त्यहाँ अहिले ६५ जना घाइतेको उपचार भइरहेको छ।
जेनजीले आह्वान गरेको प्रदर्शनमा सोमबार दिउँसो प्रहरीले गोली चलाएको थियो।
प्रहरीले चलाएको गोली लागेर घाइते भएकामध्ये १९ जनाको मृत्यु भइसकेको छ।
बानेश्वरकै सिभिल अस्पताल, ट्रमा सेन्टर, एभरेस्ट हस्पिटल, केएमसी, त्रिवि शिक्षण अस्पताल लगायतका अस्पतालहरूमा घाइतेहरूको उपचार भइरहेको छ।
-1746009348.jpg)
