जनमत पार्टीले जेन–जीको प्रदर्शनको क्रममा भएको ठूलो मानवीय क्षतिप्रति दुःख व्यक्त गरेको छ। जनमत पार्टीले मंगलबार विज्ञप्ति निकालेर प्रदर्शनलाई शान्तिपूर्ण, मर्यादित र संयमित बनाउन आग्रह गरेको हो।
‘जेन–जीको प्रदर्शनको क्रममा भएको ठूलो मानवीय क्षति र सयौंको संख्यामा प्रदर्शनकारी घाइते भएको घटनाप्रति जनमत पार्टी गहिरो दुःख, पीडा र गम्भीर चिन्ता व्यक्त गर्दछ। पत्रकारलगायत सम्पूर्ण घाइते प्रदर्शनकारीको तत्काल निःशुल्क उपचारको व्यवस्था मिलाउन साथै मृतकका परिवारलाई उचित क्षतिपूर्तिसमेत तत्काल उपलब्ध गराउन सरकारसँग अनुरोध गर्दछ। प्रदर्शनलाई शान्तिपूर्ण, मर्यादित र संयमित बनाउन समेत सम्बन्धित सबै पक्षसंग आग्रह गर्दछ,’ जनमतले भनेको छ।
जनमत पार्टीले शान्तिपूर्ण संवाद, पारदर्शिता र जिम्मेवार राजनीति व्यवहारमार्फत मात्र वर्तमान संकट समाधान गर्न सकिने विश्वास व्यक्त गरेको छ।
‘पार्टी सबै मृतकप्रति हार्दिक श्रद्धाञ्जली अर्पण गर्दै शोकसन्तप्त परिवारप्रति गहिरो समवेदना व्यक्त गर्दछ। साथै घाइतेहरूको शीघ्र स्वास्थ्य लाभको कामना समेत गर्दछ। घटनाको सुक्ष्म विवेचना गरी अगामी रणनीति तय गर्न पार्टी सचिवालयको बैठक जारी छ,’ जनमतले भनेको छ।
-1746009348.jpg)
