काठमाडौंमा अनिश्चितकालीन कर्फ्यू आदेश जारी भएको छ।
काठमाडौंका प्रमुख जिल्ला अधिकारी छविलाल रिजालले मंगलबार बिहान साढे ८ बजेदेखि लागू हुने गरी काठमाडौं महानगरको चक्रपथभित्र कर्फ्यू आदेश जारी गरेका हुन्।
प्रशासनले जारी गरेको सूचनामा काठमाडौं महानगरमा पर्ने बालकुमारी पुलदेखि कोटेश्वर चोक, सिनामंगल, गौशाला, चावहिल, नारायणगोपाल चोक, गोङ्गबु, बालाजु, स्वयम्भू, कलंकी, बल्खु हुँदै वागमति नदी पुलसम्मको चक्रपथ भित्रको सम्पूर्ण भू-भागमा कर्फ्यू आदेश जारी गरिएको उल्लेख छ।
कर्फ्यूको आदेश अवधिभर अत्यावश्यक सेवाका सवारी साधनहरु, एम्बुलेन्स, दमकल, शव वहान, स्वास्थ्यकर्मीका सवारी साधनहरु, सञ्चारकर्मीहरु, पर्यटक सवारी साधनहरु, मानव अधिकार तथा कुटनीतिक नियोगका सवारी साधनहरु र हवाई टिकटको आधारमा हवाई यात्रुहरुको आवगमनमा सुरक्षाकर्मीहरुवाट सहजीकरण हुने प्रशासनले जनाएको छ।
जेन-जीले काठमाडौंमा सोमबार गरेको प्रदर्शन क्रममा १७ जनाको मृत्यु भएको थियो।
सोमबार नै बानेश्वर क्षेत्रमा प्रशासनले कर्फ्यू आदेश जारी गरेको थियो।
मध्यराति पुन कर्फ्यू आदेश लम्बाएर मंगलबार बिहान पाँच बजेसम्मका लागि कायम गरेको थियो।
प्रशासनले मंगलबार पुनः सूचना जारी गरी कर्फ्यू जारी हुने क्षेत्र बढाएको हो।
-ink-1757312099.jpeg)
-1746009348.jpg)
