सरकारी दमनले कम्तीमा १९ जना नवयुवाको ज्यान लिएको घटनापछि देशका विभिन्न भागमा स्वस्फूर्त रुपमा प्रदर्शनहरु निस्कन थालेका छन्।
कोशी प्रदे्शका विभिन्न ठाउँमा बिहानैदेखि जेनजी प्रदर्शन सुरु भएको छ। धरानस्थित बीपी कोइराला स्वास्थ्य विज्ञान प्रतिष्ठानका विद्यार्थीहरुले बिहानैबाट प्रदर्शनबाट सुरु गरेका छन्।
बिहानैबाट प्रदर्शन सुरु भएपछि जिल्ला प्रशासन झापाले बिर्तामोड क्षेत्रमा कफ्र्यू आदेश जारी गरेको छ। कर्फ्यू वावजुद जेनजी सडकमा प्रदर्शनरत छन्। ठाउँ ठाउँमा आगजनी, राजमार्ग अवरोधको प्रयास जारी रहेपछि झापा तनावग्रस्त छ।
सोमबारको प्रदर्शनका क्रममा प्रहरीको गोली लागेर दुई जनाको ज्यान गएको इटहरीमा तीन दिन सार्वजनिक बिदा दिइएको छ।
सोमबारको प्रदर्शनमा इटहरी उपमहानगरपालिका कार्यालयमा आगजनी र तोडफोड पनि भएको थियो।
मेयर हेमकर्ण पौडेलले विज्ञप्ति जारी गर्दै
इटहरीमा व्यापक तोडफोड र आगजनीको कारण इटहरी उपमहानगरपालिका नगर कार्यपालिकाको कार्यालय, वडा कार्यालय, शिक्षण संस्था, इटहरी अस्पताल र अत्यावश्यक सेवा बाहेकका स्वास्थ्य संस्थाहरू भदौ २६ गतेसम्म बिदा दिइएको जनाएका छन्।
प्रदेश राजधानी विराटनगर अहिलेसम्म शान्त छ। यद्यपि जेनजी प्रदर्शनकारीहरुले आज पनि विराटनगरमा प्रदर्शन जारी रहने बताएका छन्।
-1746009348.jpg)
