काठमाडौंको बानेश्वरमा प्रदर्शन गर्न पुगेकालाई प्रहरीले नियन्त्रणमा लिन थालेको छ।
मंगलबार बिहान साढे ८ बजेदेखि प्रशासनले कर्फ्यू आदेश जारी गरेपनि मानिसहरू भेला हुन थालेका छन्। यद्यपि प्रहरीले बानेश्वर चोकमा आएका युवाहरूलाई नियन्त्रणमा लिन सुरू गरेको हो।
कतिपयलाई बानेश्वर समेत आउन नदिई ठाउँठाउँमा रोकेर राखेको छ।
शंखमुलबाट बानेश्वरतर्फ जाने युवाहरूलाई प्रहरीले रोकेको छ। उनीहरूले त्यही नाराबाजी सुरू गरेका छन्। प्रहरीले माइकिङ गरेर त्यहाँबाट फर्किन अनुरोध गरेको छ। केहीबेर प्रहरी र प्रदर्शनकारीबीच झडप समेत भएको छ।
प्रदर्शनकारीले प्रहरीमाथि ढुंगा समेत प्रहार गरेपछि प्रहरीले बल प्रयोग गरी भीड तितरबितर पारेको हो। त्यसपछि परिस्थिति केही साम्य बनेको छ।
यसअघि बिहानै केही युवाहरू संसद भवन अगाडि पुगेर प्रदर्शन गरेका थिए।
-1746009348.jpg)
