कर्फ्यू आदेशका बीच काठमाडौंका ठाउँ-ठाउँमा प्रदर्शन भएको छ।
बानेश्वरमै मंगलबार बिहानैदेखि प्रदर्शन सुरू भएको छ।
उक्त सडकखण्ड भएर चलेका सवारी साधनहरू पनि रोकेर मानिसहरुले सोमबारको प्रदर्शनपछिको अवस्था अवलोकन गरेका थिए।
त्यहाँ जम्मा भएको भीडले केही बेरमै नाराबाजी सुरू गरेका थिए।
त्यसपछि प्रहरीले त्यहाँ ब्यारिकेड राखेको थियो।
अहिले पनि बानेश्वरमा प्रदर्शन जारी छ। तर प्रहरीले उनीहरूलाई संसद भवन अगाडि जान रोकेको छ।
अहिले मीनभवन क्याम्पस क्षेत्रमा झन्डै २ सय जना प्रदर्शनकारी जम्मा भएका छन्।
उनीहरूले त्यहाँ 'हाम्रा भाइ-बहिनी फिर्ता दे', 'प्रधानमन्त्री मुर्दावाद' लगायतका नारा लगाइरहेका छन्।
अहिले चाबाहिलतर्फ तीन तिरबाट जुलुस गइरहेको छ। गौशाला, मित्रपार्क र बौद्ध-जोरपाटी क्षेत्रबाट चाबाहिलतर्फ जुलुस आइरहेको छ। ठाउँ-ठाउँमा नाराबाजी र टायर बालेर प्रदर्शन गरिरहेका छन्।
कलंकी, बल्खु, पुरानो बानेश्वर लगायत विभिन्न ठाउँमा मानिसहरू जम्मा भएर प्रदर्शन गरिरहेका छन्।
ललितपुर र भक्तपुरमा पनि ठाउँ ठाउँमा प्रदर्शन र टायर बालिएको छ।
तीनै जिल्ला प्रशासनले कर्फ्यू आदेश जारी गरेको छ।
-ink-1757389792.jpeg)
-1746009348.jpg)
