राष्ट्रिय स्वतन्त्र पार्टी (रास्वपा) का लुम्बिनी प्रदेश सभापति देवराज पाठकले सभापति रवि लामिछानेलाई लिन सचिवालय नै नख्खु कारागार जाँदा पार्टीलाई ब्याक फायर भएको बताएका छन्।
लुम्बिनी प्रदेशको असोज ४ गते बसेको बैठकमा उनले केन्द्रीय पदाधिकारी नै आगजनी स्थल (नख्खु कारागार) मा देखिने भिडियोबारे वास्तविकता बताउनसमेत माग गरेका छन्।
गत भदौ २४ गते नख्खु कारागारबाट सभापति लामिछाने निकालेपछि आगजनी भइरहँदा उक्त स्थलमा पार्टी प्रवक्ता मनिष झा नै देखिएको भन्दै आलोचना भइरहेको छ। भाइरल भइरहेको भिडिओमा कसैले मनिझ झालाई नख्खु कारागार गेटमा आगजनी गरेकोबारे सोध्छन्, जबाफमा उनले हामीले गरेको होइन भनेको सुनिन्छ।
‘भदौ २४ गते पार्टी सभापतीलाई नक्खु कारागारबाट जिम्मा लिन पार्टी वा परिवारलाई सुरक्षाका लागि जिम्मा लिन पठाइएको पत्रको आधिकारकिता के हो? यदि हो भने सिंगो सिचवालय नै जाँदा यसको व्याक फायर भएको जिम्मा कसले लिने? प्रदेश र जिल्ला यो विषयमा किन मौन छ भन्ने तल्लो तहमा बस्ने कार्यकर्ताहरुको प्रश्न बारम्बार आइरहेकाले सचिवालय मौन रहन हुन्न। र बस्न पनि मिल्दैन। केन्द्रीय पदाधिकारी नै आगजनी स्थलमा देखिने भिडियो भाइरल के हो? यसको विषयमा तत्काल छानबिन होस् पुराना दलमा जस्तै सानालाई ऐन र ठूलालाई चैन नहोस्,’ उनले पार्टीको बैठकमा भनेका छन्।
असोज ४ गते बसेको प्रदेश समिति बैठकको पूरै रिपोर्टिङ केन्द्रमा पठाइएको छ। केन्द्रीय महामन्त्री कविन्द्र बुर्लाकोटीलाई सम्बोधन गरेर पठाएको पत्रमा प्रदेश कमिटीका सदस्यहरूको रिपोर्टिङ उल्लेख छ।
यो पनि; रास्वपा लुम्बिनीले भन्यो– केन्द्रदेखि प्रदेशसम्मै पार्टी पुनर्गठन गरौं
-1746009348.jpg)
