राष्ट्र, राष्ट्रियता, धर्म, संस्कृति र नागरिक बचाउ महाअभियानका संयोजक दुर्गा प्रसाईंको समूहले गृह मन्त्रालयमा २७ बुँदे ज्ञापन पत्र बुझाएको छ।
बुधबार गृहमन्त्री ओमप्रकाश अर्याललाई भेटेर प्रसाईंको समूहले २७ बुँदे माग अघि सारेको हो।
ज्ञापन पत्रमा संविधान र प्रदेशको खारेजी उल्लेख गरिएको छ। त्यस्तै बौद्ध किराँत सहितको वैदिक सनातन धर्म सापेक्ष हिन्दु अधिराज्य र संवैधानिक राज संस्थाको माग गरेको छ।
त्यस्तै ५ विकास क्षेत्र, १४ अञ्चल र ७५ जिल्ला कायम गर्न माग गरिएको छ।
प्रसाईं समूहले प्रत्यक्ष निर्वाचित कार्यकारी प्रधानमन्त्रीको व्यवस्था गर्न पनि माग गरेको छ।
२० लाख भन्दा मुनिको ऋण मिनाहा गर्न माग गरेको छ। उच्च पदस्थ नेताहरूलाई पक्राउ गरी अनुसन्धानको दायरामा ल्याउन पनि समूहको माग छ।
-1746009348.jpg)
