राष्ट्रिय स्वतन्त्र पार्टीका केन्द्रीय सदस्य गणेश कार्कीले नेताहरूले पार्टी छाड्नुको कारण खोज्न आग्रह गरेका छन्।
आज सचिवालय सदस्य सन्तोष परियारले रास्वपा परित्याग गरेका थिए भने यसअघि सुमना श्रेष्ठलगायतले पनि रास्वपा छाडेका थिए।
यही सन्दर्भ लक्ष्य गर्दै कार्कीले पार्टीभित्र समस्या रहेकोले समाधान गर्नुपर्ने बताए।
‘समस्या छन्, समाधान खोजौं। जानेलाई लगाउने आरोप हैन, छोड्नुको कारण खोजौं। सामूहिक प्रयास, सामूहिक निर्णयको अभ्यास गरौँ,’ कार्कीले शुक्रबार सामाजिक सञ्जाल फेसबुकमा लेखेका छन्।
साथै उनले सन्तोष परियार दोस्रो पटक समानुपातिकमा बस्न नपाउने भए पछि छोड्यो भन्ने त होला भनेर उल्लेखसमेत गरेका छन्। ‘अस्ती सुमनाले छोड्दा त त्यस्तो नियम बनाएकै थिएन त, किन छोडिन्?,’ उनले प्रश्न गरे।
साथै उनले सांसद नै नभएका केन्द्रीय सदस्य प्रभात अधिकारी र हरि भट्टले पनि पार्टी छाडेको उल्लेख गरेका छन्।
‘तिनले के नपाएर छोडे? अब प्रत्यक्ष जितेकाले पनि छोड्लान्, तिनलाई के भन्ने?,’ उनले भने।
-1746009348.jpg)
