नेपाल समाजवादी पार्टी (नयाँ शक्ति), प्रगतिशील राष्ट्रिय अभियान र सन्तोष परियारबीच एउटै पार्टी बनाएर जाने विषयमा सहमति भएको छ।
नेसपा (नयाँ शक्ति) की संयोजक दुर्गा सोव, प्रगतिशील राष्ट्रिय अभियानका सुदन किराँती र सन्तोष परियारबीच आज ५ बुँदे सहमति भएको हो। बाबुराम भट्टराईले अध्यक्ष परित्याग गरेपछि सोव संयोजक बनेकी थिइन्, किराँती जनार्दन शर्मा नेतृत्वको अभियानमा छन् भने परियार आजै रास्वपा छाडेर आएका हुन्।
‘एकता तथा ध्रुवीकरणका लागि नयाँ बन्ने एकीकृत पार्टीको नाम र चुनाब चिह्न एउटै बनाउन सहमति जनाउदछौँ। मंसिर ७ गते वृहत् एकता घोषणा कार्यक्रम गर्न सहमत भएका छौं,’ सहमति पत्रमा उल्लेख छ।
देश तथा विदेशमा बस्ने प्रगतिशील, लोकतान्त्रिक, वामपन्थी र देशभक्त शक्तिहरू र विशेषगरी जेनजी पुस्तालाई बृहत् राजनीतिक पुनर्संरचनाको अभियानमा सहभागी हुन उनीहरूले आग्रह गरेका छन्।
यस्तो छ विज्ञप्ति:
-1763120239.png)
-1746009348.jpg)
