फागुन २१ गतेको प्रतिनिधि सभा निर्वाचनअघि महाधिवेशन गर्नुपर्ने पक्षमा उभिएका नेपाली कांग्रेसका सभापति शेरबहादुर देउवानिकट २५ जना केन्द्रीय सदस्यहरू आज पनि आन्तरिक छलफलमा जुट्ने भएका छन्।
केन्द्रीय सदस्य आङगेलु शेर्पाले आज मध्याह्न १२ बजेदेखि ललितपुरको कुपन्डोलमा आफूहरू छलफलमा जुट्ने सेतोपाटीलाई जानकारी दिए।
‘केन्द्रीय समिति बैठक भोलि बस्दैछ, आज हामी आन्तरिक छलफलमा जुट्दैछौं,’ उनले भने, ‘२५ जना केन्द्रीय सदस्यहरूबीच कुराकानी गर्दैछौं।’
उनीहरूले यसअघि मंसिर १ गते पनि आन्तरिक छलफल गरेका थिए। त्यस दिन पूर्वउपसभापति विजयकुमार गच्छदार र पूर्वमहामन्त्री शशांक कोइरालाले उनीहरूको छलफलमा एक्यबद्धता जनाएका थिए।
१४ औं महाधिवेशनमा सभापति देउवा समूहबाट केन्द्रीय सदस्य जितेका राजेन्द्रकुमार केसी, भरतकुमार शाह, अर्जुनप्रसाद जोशी, पुष्पा भुसाल, कर्णबहादुर बुढा, गणेश लामा, आङगेलु शेर्पा, डिला संग्रौला, उदयशम्शेर राणा, नानु बास्तोला, धना खतिवडा, अब्दुल रज्जाक, देवेन्द्रराज कँडेल, योगेन्द्र चौधरी, गोपाल दहित, बहादुर सिंह लामा, दिलमान पाख्रिन, अब्दुल सत्तार, मोहन आचार्य, अमृत अर्याल, जिपछिरिङ लामा, रामजनम चौधरी, चम्पादेवी खड्का, नारायणबहादुर कार्की र चीनकाजी श्रेष्ठ चुनावअघि महाधिवेशन गर्नुपर्ने पक्षमा उभिएका छन्।
सभापति देउवानिकट ८० केन्द्रीय सदस्यहरू भने बानेश्वरमा आज छलफलमा जुट्दैछन्।
यो पनि: देउवानिकट केन्द्रीय सदस्यहरू आन्तरिक छलफलमा जुट्दै
-1746009348.jpg)
