नेकपा एमालेले प्रतिनिधि सभा निर्वाचनको लागि घोषणापत्र बनाउन विज्ञहरूसँग छलफल गरेको छ।
बिहीबार ललितपुरको च्यासलस्थित पार्टी कार्यालयमा अध्यक्ष केपी शर्मा ओलीले विभिन्न विषयगत क्षेत्रका विज्ञहरूसँग सुझावका लागि छलफल गरेका हुन्।
ओलीले घोषणापत्रका प्राथमिकताबारे पनि छलफल गरेका थिए।
यस्तै भदौ २४ गते भएको आन्दोलन पछिको पुनर्निर्माणलाई जोड दिएर घोषणापत्र तयार गर्ने विषयमा छलफल भएको आम निर्वाचन प्रचार संयोजक मीनबहादुर शाहीले जानकारी दिए।
‘अध्यक्ष ओलीले नेकपा (एमाले) सुदृढ संगठन, व्यापक जनमत र सर्वाधिक लोकप्रिय पार्टीका रूपमा स्थापित रहेको बताउँदै भूकम्पले पुऱ्याएको भौतिक क्षतिको पुनर्निर्माण उदाहरणीय रूपमा सफल पारेको एमालेले गत भदौको विध्वंशले राष्ट्रियता, लोकतन्त्र र संविधानमा पुऱ्याएको क्षतिको पुनर्निर्माण, राष्ट्रिय सुरक्षा र सुदृढ राष्ट्रिय एकता कायम गर्न उच्चमनोबलका साथ नेतृत्व प्रदान गर्ने बताउनुभयो,’ शाहीले प्रेस नोट जारी गर्दै भनेका छन्।
सरकारले निर्वाचन निष्पक्ष, स्वतन्त्र र धाँधलीरहित ढङ्गले सम्पन्न गर्ने वातावरण बनाउन नसकेको अध्यक्ष ओलीले बताएका थिए।
-1746009348.jpg)
