नेकपा एमालेका महासचिव शंकर पोखरेलले यसपालिको चुनावमा काठमाडौंमा राष्ट्रिय स्वतन्त्र पार्टी (रास्वपा) प्रतिस्पर्धामै नरहेको दाबी गरेका छन्।
अघिल्लो निर्वाचनमा रास्वपा काठमाडौं २, ६, ७, ८ विजयी भएको थियो।
अघिल्लो पटक चार सिट जितेको रास्वपालाई महासचिव पोखरेलले यसपटक प्रतिस्पर्धी नै नहुने दाबी गरेका हुन्।
‘काठमाडौंमा त अहिले रास्वपा प्रतिस्पर्धामा छैन भन्ने विश्लेषण छ। एउटा रोचक विश्लेषण तपाईं–हामी सबैलाई अनौठो लाग्ला। जहाँबाट रास्वपाको जन्म भयो। त्यो ठाउँमा रास्वपा प्रतिस्पर्धामा छ कि छैन भन्दा छैन भन्ने विश्लेषण आइराखेको छ,’ उनले भने।
रास्वपाको प्रभाव पहिलेको तुलनामा ग्रामीण क्षेत्रमा बढेको देखिएको उनले बताए।
‘तर ग्रामीण क्षेत्रमा बढेको प्रभाव भनेको चुनाव जित्ने तहसम्मको प्रभाव होइन भन्ने हाम्रो आकलन छ। प्रभाव बढेको छ। तर जित्ने तहसम्मको होइन भन्ने छ,’ उनले भने।
उनले समानुपातिकतर्फ पनि रास्वपाले सहरी क्षेत्रमा मत घटाउने विश्लेषण सुनाए।
‘अहिले सहरी क्षेत्रको मत रासपालाई घट्नेवाला छ। ग्रामीण क्षेत्रमा समानुपातिक मत बढ्छ त्यसमा चाहिँ शंका भएन। किनकि पहिलो पटक रास्वपा ग्रामीण क्षेत्रमा प्रवेश गरेको छ। अब प्रत्येक जिल्लामा केही न केही मत त ल्याइहाल्छ। त्यो हिसाबले ग्रामीण क्षेत्रको मत बढ्ने, सहरी क्षेत्रको मत घट्ने आकलन छ,’ उनले भने।
-1746009348.jpg)
