नेकपा (एमाले)का अध्यक्ष केपी शर्मा ओलीले केही व्यक्तिहरूले ख्यालख्यालमै आफूलाई प्रधानमन्त्री घोषणा गरेको बताएका छन्।
सोमबार दमकमा आयोजित सभालाई सम्बोधन गर्दै ओलीले राष्ट्रिय स्वतन्त्र पार्टी (रास्वपा) वरिष्ठ नेता बालेन शाहलाई लक्ष्य गर्दै ख्याल ख्यालमा आफूलाई प्रधानमन्त्री घोषणा गरेको भन्दै कटाक्ष गरेका हुन्।
'बच्चा बच्चीलाई सोध्यो भने उसले प्रधानमन्त्री पनि भन्न सक्छ। राष्ट्रपति पनि भन्न सक्छ। तर त्यो बच्चो भइहाल्ने त होइन नी। उसले आफूलाई घोषणा गरिदिन्छ। यस्तै मान्छेहरूलाई लाग्यो। ख्यालख्याल जस्तो लाग्यो मान्छेहरूलाई,' उनले भने।
उनले एमाले ख्याल ख्यालमा नभई सुखी नेपाली र समृद्ध नेपालको गन्तव्य तोकेरै जनतामा आएको बताए।
उनले एमाले विकासको हिमायती रहेको बताए।
एमाले सरकारबाट बाहिरिनेबित्तिकै विकास निर्माणका काम ठप्प हुने बताए।
'मलाई सरकारबाट हटाएपछि ड्राइभरबिनाको गाडी जस्तो हुन्छ देश। म सरकारमा आउनेबित्तिकै फेरि कुद्छ। मैले सरकार छाडेपछि फेरि देश जहाँको त्यही बस्छ। यही हुने गरेको छ,' उनले भने।
-1771838033.jpg)
-1746009348.jpg)
