काठमाडौंको निर्वाचन क्षेत्र नम्बर ५ मा मतगणना सुरू हुँदै छ।
निर्वाचन अधिकृत श्रद्धा रिजालका अनुसार सर्वदलिय बैठक सकिएको छ।
‘भर्खरै सर्वदलिय बैठक सकियो। अब केहीबेरमा मतगणना सुरू हुन्छ,’ उनले भनिन्।
टोखा नगरपालिकाको श्री समाज सामुदायिक भवनमा मतगणना हुने उनले बताइन्।
यो क्षेत्रमा एमालेका ईश्वर पोखरेल, कांग्रेसका प्रदीप पौडेल, राष्ट्रिय स्वतन्त्र पार्टीका सस्मित पोखरेल, राष्ट्रिय प्रजातन्त्र पार्टीका कमल थापा, गतिशील लोकतान्त्रिक पार्टीकी निशा अधिकारी लगायत २५ जना उम्मेदवार प्रतिस्पर्धामा छन्।
काठमाडौं–५ मा काठमाडौं महानगरपालिकाका वडा नम्बर २, ३, ४ र ५, बुढानीलकण्ठ नगरपालिका का ३, ४, ५, ६ र ७ वडा र टोखा नगपालिकाका वडा नम्बर २, ३, ४, ५, ६ र ७ पर्छन्।
