रूपन्देही-२ मा राष्ट्रिय स्वतन्त्र पार्टी (रास्वपा) का सुलभ खरेलले आफ्ना निकट प्रतिस्पर्धीको तुलनामा २१ सयभन्दा बढी मतको अन्तर कायम गरेका छन्।
जारी मतगणनाको प्रारम्भिक नतिजामा खरेलले २७७९ मत प्राप्त गर्दा उनका निकट प्रतिस्पर्धी नेकपा एमालेका विष्णु पौडेलले ६०९ मत पाएका छन्।
तेस्रो स्थानमा रहेका नेपाली कांग्रेसका चुन्नप्रसाद शर्मा (पौडेल) ले ३०५ मा प्राप्त गरेका छन्।
मतगणनाको सुरूआत तिलोतमा नगरपालिका वडा नम्बर १ बाट भएको थियो। अब बुटवल उपमहानगरपालिका वडा नम्बर १ को मत गन्ने तयारी हुँदैछ।
रूपन्देही–२ निर्वाचन क्षेत्रमा बुटवल उपमहानगरपालिकाका १ देखि १३ नम्बर वडा छन् भने तिलोत्तमा नगरपालिकाका १ देखि ६ नम्बर वडा र सैनामैना नगरपालिकाका १ देखि ४ नम्बर वडा पर्छन्।
यो क्षेत्रमा नेकपा एमालेका विष्णु पौडेल, नेपाली कांग्रेसका चुन्नप्रसाद शर्मा (पौडेल), रास्वपाका सुलभ खरेल, नेपाली कम्युनिस्ट पार्टी (नेकपा) का विश्वदीप पाण्डे, जनता समाजवादी पार्टी (जसपा) का दीपक गुरूङ, जनमत पार्टीका रमेश लोध लगायत विभिन्न दलका र स्वतन्त्र उम्मेदवार समेत गरी ३९ जना प्रतिस्पर्धामा छन्।
