धनुषा–१ मा मतगणना सुरू भएको छैन।
उम्मेदवारी रद्द भएका उम्मेदवारको चिह्नमा खसेको मत के गर्ने भन्नेबारे निर्णय हुन नसक्दा मतगणना अन्योल भएको हो।
मुख्य निर्वाचन अधिकृतत मनोज बरालका अनुसार मतगणना कसरी गर्ने भन्ने बारेमा निर्वाचन आयोगसँग स्पष्ट निर्देशन माग गरिएको छ।
निर्वाचन आयोगको निर्देशन नआउँदासम्म मतगणना सुरु नगर्ने निर्णय गरिएको उनले बताए।
राष्ट्रिय स्वतन्त्र पार्टी (रास्वपा)को तर्फबाट किशोरी साह कमलको उम्मेदवारी निर्वाचन आयोगले फागुन १८ गते रद्ध गरे पनि मतपत्रमा चुनाव चिह्न कायमै थियो ।
उम्मेदवारी खारेज गरिएको विरुद्धमा किशोरीले सर्वोच्च अदालतमा रिट दायर गरेका थिए । तर अदालतले पनि कुनै आदेश जारी गरेको छैन ।
रास्वपाको घन्टी चुनाव चिन्हमा परेको मतलाई गणना गर्ने कि नगर्ने भन्ने विषयमा अन्योल भएपछि स्पष्ट निर्देशन माग गरिएको मुख्य निर्वाचन अधिकृत मनोजले जानकारी दिए ।
‘रास्वपाका प्रत्यक्ष तर्फका उम्मेदवार किशोरी साह कमलको उम्मेदवारी निर्वाचन आयोगले रद्द गर्यो, मतपत्रमा चुनाव चिन्ह हटाइएको थिएन, त्यहाँ मत संकेत भएको छ, त्यो मत पत्रलाई कसरी गणना गर्ने ?’ उनले भने,‘ यस विषयमा हाम्रो निर्वाचन कानून, निर्देशिका वा परिपत्रले समेटेको छैन । विवरण खुलाएर स्पष्ट निर्देशन पाउँ भनेर निर्वाचन आयोगलाई पत्राचार गरेको छु। निर्देशन आएपछि मतगणना सुरु गर्छौं।’
रास्वपाका उम्मेदवार र प्रतिनिधिले कुन घण्टी चिह्नमा खसेको मत गणना नहुनुपर्ने कानुनी आधार खोजेको उनी बताउँछन्।
‘त्यस्तो अवस्थाको मत पत्रलाई कसरी गणना गर्ने? भन्ने बारेमा ऐन कानूनमा व्यवस्था नभएकोले मैले उत्तर दिन सकिन। हतारमा काम अघि बढाउनु भन्दा आयोगको स्पष्ट निर्देशन पर्खेको छु,’ मुख्य निर्वाचन अधिकृत बरालले भने, ‘आधिकारिक निकायबाट स्पष्ट निर्देशन आएपछि काम अघि बढाउँदा सहज हुन्छ।’
उम्मेदवार साहले दिएको रिटमा फागुन २५ गते सुनुवाइ तोकिएको छ ।
-1746009348.jpg)
