राष्ट्रिय स्वतन्त्र पार्टीले ललितपुरका दुई निर्वाचन क्षेत्रमा अग्रता लिएको छ।
तीन वटा निर्वाचन क्षेत्र भएको ललितपुरको एउटा क्षेत्रमा भने नेपाली कांग्रेसले सुरुआती अग्रता लिएको छ।
काठमाडौं उपत्यकाको १५ वटा निर्वाचन क्षेत्रमध्ये ललितपुर १ मा मात्र नेपाली कांग्रेस अगाडि छ। अन्यत्र सबै क्षेत्रमा राष्ट्रिय स्वतन्त्र पार्टीका उम्मेदवार अगाडि छन्।
ललितपुर १ मा नेपाली कांग्रेसका उम्मेदवार उदयशमशेर राणाले अग्रता लिएका छन्। कांग्रेसका राणाले २६ सय ७४ मत प्राप्त गर्दै अग्रता लिएका छन्।
राष्ट्रिय स्वतन्त्र पार्टीका उम्मेदवार बुद्ध रत्न महर्जनले १३ सय ८२ मत प्राप्त गरेका छन्। नेकपा एमालेका उम्मेदवार चेतनाथ संजेलले १३ सय २४ मत प्राप्त गरेका छन्।
ललितपुर २ मा पनि रास्वपाका जगदिश खरेलले अग्रता लिइरहेका छन्। खरेलले २ सय २८ मत प्राप्त गरेका छन्।
नेकपा एमालेका प्रेम महर्जनले १ सय ३१ मत र उज्यालो नेपाल पार्टीका राजाराम तण्डुकार १ सय ८ मत प्राप्त गरेका छन्। नेपाली कांग्रेसका प्रेमकृष्ण महर्जनले ८१ र नेकपा माओवादी केन्द्रका राजेन्द्र अमात्यले ४५ मत ल्याएका छन्।
ललितपुर ३ मा रास्वपा उम्मेदवार डा. तोसिमा कार्कीले २४ सय ७७ मत प्राप्त गरेकी छिन्। उनले त्यहाँ अग्रता लिइरहेकी छिन्। नेपाली काग्रेसका जितेन्द्रकुमार श्रेष्ठले ५ सय ९० मत प्राप्त गरेका छन्। नेकपा एमालेका सन्दन थापा मगरले १२३ मत प्राप्त गरेका छन्।
-1746009348.jpg)
