निर्वाचन आयोगले आफ्नो वेवसाइटमा प्रकाशित गरेको अद्यावधिक मतपरिणाम अनुसार नेपाली कम्युनिष्ट पार्टीले मुलुकभर २ सिटमा जित हाँसिल गरेको छ भने ९ क्षेत्रमा अग्रता लिइरहेको छ।
रूकुमपूर्वमा नेकपा अध्यक्ष पुष्पकमल दाहाल विजयी भएका छन्। कर्णालीका पूर्वमुख्यमन्त्री महेन्द्र बहादुर शाही कालिकोटबाट विजयी भएका छन्।
नेकपाले अग्रता लिइरहेका बाग्मती प्रदेशका ३, लुम्बिनी प्रदेशका २, कर्णालीका ३ र सुदुर पश्चिमका १ क्षेत्र छन्।
बागमती प्रदेशको काभ्रेपलाञ्चोक १, सिन्धुली २, र रामेछाप १ मा माओवादी अघि छ।
काभ्रे १ मा नेकपा उम्मेदवार दिननाथ गौतम ५९३५ ल्याएर अग्रस्थानमा छन्। उनलाई ३७२८ मत ल्याएर नेपाली कांग्रेसका गुणराज मुक्तानले पछ्याइरहेका छन्।
सिन्धुली २ मा नेकपा लेखनाथ दाहालले ४४४२ ल्याएका छन्। उनका निकटतम प्रतिद्वन्द्वी रास्वपाका आशिष गजुरेलले ४२२६ पाएका छन्।
रामेछाप १ मा नेकपाका श्यामकुमार श्रेष्ठले १०२६ ल्याएर अग्रता लिएका छन्। यो क्षेत्रमा उज्यालो नेपालका दिप बहादुर योञ्जन ९४६ मतका साथ दोस्रो स्थानमा छन्।
लुम्बिनी प्रदेशको कपिलबस्तु २ मा नेकपाका वृजेशकुमार गुप्ताले ७३१७ ल्याएर अग्रता लिइरहेका छन्। उनलाई रास्वपाका विक्रम थापाले पछ्याइरहेका छन्। उनको ४९४४ मत छ।
रोल्पा १ मा नेपाली कम्युनिष्ट पार्टीका नेता वर्षमान पुन ३७५७ ल्याएर अग्रस्थानमा छन्। २,६६२ ल्याएर दोस्रो स्थानमा छन् नेपाली कांग्रेसका सुदन कुमार ओली।
कर्णाली प्रदेशको सल्यानमा रमेश कुमार मल्ल ५३३३ मतका साथ अघि छन्। यहाँ नेपाली कांग्रेसका केशबहादुर विष्ट दोस्रोमा छन्, उनले २०१३ मत ल्याएमा छन्।
डोल्पामा धनबहादुर बुढाले ३३० मत ल्याएर अग्रता लिइरहेका छन्। यहाँ नेकपा एमालेका लंक बहादुर रोकायाले २२ मत ल्याएर दोस्रो स्थानमा छन्।
हुम्ला १ मा दीपेन्द्र रोकाया ४०४ मतका साथ अग्रस्थानमा छन्। एमालेका दल फडेरा २३३ मत पाएर उनलाई पछ्याउँदै छन्।
सुदुरपश्चिमको अछाम मा भिमबहादुर सावल ३५९४ मतका साथअघि छन्। उनकै पूर्वपार्टी नेकपा एमालेका दीपक बहादुर साउद यहाँ उनका प्रतिस्पर्धी छन्। साउदले ३,३१४ मत ल्याएका छन्।
-1746009348.jpg)
