प्रतिनिधि सभा निर्वाचन २०८२ मा हाल १४८ निर्वाचन क्षेत्रको मतगणना जारी छ। मतगणना जारी भएका १४८ मध्ये रास्वपाले १०८ स्थानमा अग्रता लिएको छ। कांग्रेसले १२, एमालेले ११, नेकपाले ८, श्रम संस्कृतिले ६ र अन्यले ३ स्थानमा अग्रता लिएका छन्।
कांग्रेस, एमाले र नेकपाले अग्रता लिएका ३१ स्थानमध्ये ६ वटा क्षेत्रमा रास्वपासँग नै प्रतिस्पर्धा भएको छ।
प्युठानमा कांग्रेसका डा गोविन्दराज पोखरेलले ४६२३ मतका साथ अग्रता लिइरहेका छन्। दोस्रो स्थानमा रास्वपाका सुशान्त वैदिकको ४००५ छ। यहाँ मतान्तर ६१८ रहेको छ।
रौतहट २ माकांग्रेसका मोहमद फिरदोश आलम २१७९ मतका साथ अग्रता लिँदा दोस्रो स्थानमा रास्वपाका शेख सगिरको १०३६ मत छ। यो क्षेत्रमा मतान्तर ११४३ रहेको छ।
ओखलढुंगामा एमालेकी अस्मिता थापा २२१८ मतको साथ अग्रतामा छिन्। दोस्रो स्थानमा रास्वपाका विश्वराज पोखरेलले १३८३ मत भने मतान्तर ८३५ रहेको छ।
स्याङ्जा १ मा एमालेका खिमबहादुर थापाले ९४३ मत लिएर अग्रता लिँदा दोस्रो स्थानमा रास्वपाका झविलाल डुम्रेको ३६७ मत छ। दुईबीचको मतान्तर ५७६ रहेको छ।
कपिलबस्तुमा नेकपाका बृजेश कुमार गुप्ताले ६४०३ लिएर अग्रता लिइरहेका छन्। उनका निटकतम प्रतिद्वन्द्वी रास्वपाका विक्रम थापाको ३४६० मत छ। उनी १४३ मतान्तरले पछि छन्।
कपिलबस्तु ३ मा कांग्रेसमा अभिषेक प्रताप शाह ८५५४ मतका साथ अग्रता लिइहरेका छन्। दोस्रो स्थानमा रास्वपाका प्रकाश रजौरियाको ५६५१ मत छ। यहाँ भने मतान्तर बढी छ। यहाँ २९०३ मतान्तर रहेको छ।
-1746009348.jpg)
