लुम्बिनी प्रदेशको दाङ जिल्लाका सबै निर्वाचन क्षेत्रमा राष्ट्रिय स्वतन्त्र पार्टी (रास्वपा) ले फराकिलो मतान्तरका साथ अग्रता लिइरहेको छ।
दाङ नेपाली कांग्रेस, नेकपा एमाले र माओवादीको राम्रो मत भएको जिल्ला मानिन्थ्यो। यसपालिको निर्वाचनमा भने यहाँ रास्वपाले यी तीनै दललाई पछि पारेको छ।
दाङ क्षेत्र नम्बर १ मा रास्वपाका देवराज पाठकले नेपाली कांग्रेसका सहमहामन्त्री योगेन्द्र चौधरीलाई पछाडि पारेर अग्रता लिइरहेका छन्। पाठकले १९०६८ मत ल्याएका छन् भने चौधरीको ७७६० मत आएको छ।
दाङ-२ मा रास्वपाका सहमहामन्त्री विपिन आचार्यले २९४१६ मत ल्याएका छन् भने एमालेका महासचिव शंकर पोखरेलले १०९६६ मत पाएका छन्। उनीहरूबीच १८४५० मतान्तर छ। यहाँ नेपाली कांग्रेसका किरणकिशोर घिमिरे ८४८३ मतका साथ तेस्रो स्थानमा छन्।
दाङ-३ मा पनि रास्वपाका कमल सुवेदीले कांग्रेसका दिपक गिरीलाई अग्रता दिइरहेका छन्। उनले २५०११ मत ल्याउँदा गिरीले ७१८९ पाएका छन्। एमालेका घनश्याम पाण्डेले ५०४२ पाएका छन्।
-1771586611.jpg)
-1746009348.jpg)
