राष्ट्रिय स्वतन्त्र पार्टी (रास्वपा) प्रतिनिधि सभा निर्वाचन २०८२ मा देशभर ठूलो मतान्तरसहित अग्रता कायम गर्दा कर्णालीमा भने कमजोर देखिएको छ।
अहिले मतगणना भइरहेका कर्णालीका ११ वटा निर्वाचन क्षेत्रमध्ये एउटामा मात्रै रास्वपाको अग्रता छ। हालसम्मको मतपरिणाम अनुसार अन्य १० वटा निर्वाचन क्षेत्रमध्ये रास्वपा दोस्रो स्थानमा पनि छैन। कतिपय क्षेत्रमा तेस्रो स्थानमा पनि छैन।
कर्णालीमा रास्वपाको कहाँ कुन पोजिसन?
सल्यानमा नेकपाको उम्मेदवारको अग्रता छ। रास्वपा उम्मेदवार तेस्रो स्थनामा छन्। सल्यानमा नेकपाका रमेश मल्लले ६०५८ मत ल्याएका छन्। कांग्रेसका केशवबहादुर विष्टको २०३९१ र रास्वपाका ललितकुमार चन्द २२२१ मत ल्याएका छन्।
डोल्पामा पनि नेकपाको अग्रता रास्वपा उम्मेदवार तेस्रो स्थनामा छन्। नेकपाका धनबहादुर बुढाको ५१७, कांग्रेसका कर्णबहादुर बुढाले १०९ र रास्वपाका देवसिंह ऐडीले ५९ मत प्राप्त गरेका छन्।
मुगुको मत गणना सुरु भएको छैन।
जुम्लामा राप्रपाको अग्रता छ। तर रास्वपा उम्मेदवार छैटौँ स्थानमा छन्। राप्रपाका ज्ञानेन्द्र शाही ६७३८ मत ल्याएका छन्। नेकपाका नरेश भण्डारी २९५६ ल्याएका छन् भने छैटौं स्थानमा रहेकी विनिता कठायतले ९१ मत प्राप्त गरेकी छन्।
कालिकोट नेकपाका महेन्द्रबहादुर शाहीले ११७३४ विजयी भए। रास्वपा उम्मेदवार प्रकाश न्यौपानले ३१०१ मत पाएर पाँचौ स्थानमा छन्।
हुम्लामा नेकपा उम्मेदवार दीपेन्द्र रोकाय ८६३ मत ल्याएका छन्। एमालेका दल फडेराले ३६९ मत ल्याउँदा रास्वपा उम्मेदवार पाँचौ रहेकी रास्वपाकी टासी ल्हान्जोमले ७ मत मात्र प्राप्त गरेकी छन्।
जाजरकोट एमालेका डम्बरबहादुर सिंहको ६२५४ मतले अग्रता ललिएका छन्। कांग्रेसका खडकबहादुर बुढाले ६१६६ मत ल्याउँदा रास्वपा उम्मेदवार चौथो स्थानमा रहेका राघव कार्कीले ५११ मत प्राप्त गरेका छन्।
दैलेख १ मा कांग्रेसका बासना थापाको १०३७३ मत प्राप्त गरेकी छन्। एमालेका रविन्द्राज शर्माको ९७६३ हुँदा रास्वपाका नन्दकिशोर बस्नेतको ७२०९ मत रहेको छ।
दैलेख २ मा एमालेका लक्ष्मीप्रसाद पोखरेल ३९१३ मत ल्याएका छन्। कांग्रेसका दिक्पालकुमार शाहीले २९३४ मत ल्याएका छन् भने रास्वपाका बखतबहादुर शाहीले १२२९ मत प्राप्त गरेका छन्।
सुर्खेत १ मा कांग्रेसका बिष्णुबहादुर खड्काले ९२०२ मत ल्याएका छन्। एमालेका ध्रुवकुमार शाहीले ६५४५ मत ल्याएका छन् भने रास्वपामा टेकबहादुर सिंह ठकुरीले ५३५३ मत प्राप्त गरेका छन्।
सुर्खेत २ मा भने रास्वपा उम्मेदवारको अग्रता छ। यहाँ रास्वपाका रमेशकुमार सापकोटाले ५९८८ मत प्राप्त गरेका छन्। उनीसँग कांग्रेस उम्मेदवार नारायणकुमार कोइरालाले ५१४२ मत लिएर प्रतिस्पर्धा गरेका छन्।
रूकुम पश्चिममा प्रगतिशिल लोकतान्तिक पार्टीका जनार्दन शर्माले २८३८ मत प्राप्त गरेका छन् नेकपका गोपाल शर्माले २२६३ मत ल्याएका छन्। रास्वपा उम्मेदवार चौथो स्थनामा छन्। रास्वपाका मानबहादुर शाहीले ५३२ प्राप्त गरेका छन्।
-1746009348.jpg)
