रौतहटका चारमध्ये तीन निर्वाचन क्षेत्रमा राष्ट्रिय स्वतन्त्र पार्टी (रास्वपा) का उम्मेदवारले अग्रता लिइरहेका छन्। निर्वाचन आयोगको पछिल्ल मतपरिणाम अनुसार रौतहटका तीन क्षेत्र रास्वपा र एउटा क्षेत्रमा कांग्रेसका उम्मेदवारले अग्रता लिइरहेका हुन्।
क्षेत्र नम्बर १ मा रास्वपाका राजेशकुमार चौधरी १०३६४ मतका साथ अग्रता लिइरहेका छन्। नेकपा एमालेका अजयकुमार गुप्ता ५४३४ मतका साथ दोस्रो स्थानमा छन्। चौधरी दोब्बर मतले अघि छन्।
रौतहट ३ मा रास्वपा रविन्द्र पटेल पनि निकट प्रतिस्पर्धी भन्दा दोब्बर मतले अघि छन्। उनले २२१८ ल्याएका छन्। उनका निकटतम जसपा प्रतिद्वन्दी गोविन्द चौधरी १०४८ मत ल्याएमा छन्। आम जनता पार्टीका प्रभु साहले भने ९२२ मत ल्याएका छन्।
रौतहट ४ मा पनि रास्वपाका गणेश पौडेलले दोब्बर मतले अघि छन्। उनले १०२८२ मत ल्याएका छन्। नेपाली कांग्रेसका देवप्रसाद तिमल्सेनाले ५२१४ मत ल्याएर दोस्रो स्थानमा छन्। तेस्रो स्थानका नेकपा उम्मेद्वार रामजी साह सोनारले ४८३० मत ल्याएका छन्।
यो क्षेत्रमा चर्चित पत्रकार ऋषि धमला पनि यो क्षेत्रमा उम्मेदवार थिए। उनले भने १५४ मत पाएका छन्।
रौतहट २ मा भने नेपाली कांग्रेसको अग्रता छ। कांग्रेसका फिरदोस आलमले रास्वपाका शेख सागरसँग अग्रता लिएका हुन्। आलमले २६९२ मत ल्याएका छन् भने सागरले १८९९ मत प्राप्त गरेका छन्।
-1746009348.jpg)
