प्रतिनिधि सभा निर्वाचन २०८२ मा नेपाली कांग्रेसका दुवै महामन्त्री पराजित भएका छन्।
महामन्त्रीद्वय गुरु घिमिरे र प्रदीप पौडेल रास्वपाका उम्मेदवारसँग फराकिलो मतान्तरले पराजित भएका हुन्।
मोरङ ४ मा घिमिरे २८ हजार १५ मतान्तरले पराजित भएका हुन्। मोरङ ४ मा रास्वपाका सन्तोष राजवंशी विजयी भएका छन्।
सन्तोषले ४० हजार ८३३ मत प्राप्त गरे। घिमिरेले भने १२ हजार ८१८ मत प्राप्त गरेका छन्। यो क्षेत्रमा ७९ हजार ७८५ मत खसेको थियो।
३४ वर्षीय राजवंशीले पत्रकारिता र राजनीति शास्त्रमा स्नातक गरेका छन्।
कुनै समय नेपाल टेलिभिजनको रिपोर्टर, कार्यक्रम निर्माता तथा प्रस्तोता रहेका थिए। उनीसँग कोशी, विराटनगर र रोडियो जाग्रितिमा कार्यक्रम निर्माता तथा प्रस्तोता भएको अनुभव छ। अल्पसङ्ख्यक राजवंशी समुदायको प्रतिनिधित्व गर्दै उनी रास्वपाबाट संसाद निर्वाचित भएका हुन्।
काठमाडौं– ५ मा रास्वपाका सस्मित पोखरेल विजयी भएका छन्।
उनले ३०७३७ मत प्राप्त जित निकालेका हुन्। निकटतम प्रतिद्वन्द्वी कांग्रेसका प्रदीप पौडेलले ९१५९ प्राप्त गरेका छन्।
अघिल्लो निर्वाचनमा कांग्रेस महामन्त्री पौडेलले यो क्षेत्रमा निर्वाचन जितेका थिए।
सस्मितले कांग्रेसका महामन्त्री पौडेलसहित एमालेका इश्वर पोखरेल र राप्रपा नेता कमल थापालाई पनि पछि पारे।
पोखरेलले ४७०१ मत प्राप्त गर्दा कमल थापाले १९२२ ल्याए।
यसअघि उनले काठमाडौँ महानगरपालिकाका नगर प्रमुखका सल्लाहकार भएर काम गरेका थिए ।
यस्तै उनीसँग सांसद कार्यालयमा प्रमुख सहायक भएर काम गरेको अनुभव पनि छ। उनले कानुनी विश्लेषक भएर काम गरेका थिए।
यसअघि साझा पार्टीको केन्द्रीय समिति सदस्य थिए।
-1746009348.jpg)
