झापा क्षेत्र नम्बर २ मा विघटित प्रतिनिधिसभाका सभामुख देवराज घिमिरेलाई उपसभामुख इन्दिरा राना मगरले पराजित गरेकी छन्।
रानाले घिमिरेलाई ४८ हजार ७४२ मतान्तरले हराएकी हुन्।
रानाले ६० हजार ११० मत ल्याएकी छन् भने उनका निकट प्रतिद्वन्द्वी घिमिरेले ११ हजार ३६८ मत पाएका छन्।
यहाँ श्रम संस्कृति पार्टीका केशव कुमार भण्डारीले ७ हजार २९१ मत ल्याएका छन् भने नेपाली कांग्रेसकी सरिता प्रसाईंले ५,६१६ पाएकी छन्।
यसअघिको प्रतिनिधिसभामा राना रास्वपाबाट समानुपातिक सांसद थिइन्। एमालेका घिमिरेले झापा २ बाटै चुनाव जितेर संसद पुगेका थिए।
सभामुख र उपसभामुख फरक पार्टी र फरक लिंगको हुनुपर्ने प्रावधान छ। त्यति बेला उनलाई उपसभामुखका लागि एमाले र माओवादीले समर्थन गरेका थिए।
-1746009348.jpg)
