मोरङमा राष्ट्रिय स्वतन्त्र पार्टी (रास्वपा) ले 'क्लिन स्विप' गरेको छ।
मोरङ ३ मा पनि कांग्रेस पराजित भएसँगै रास्वपाले यो जिल्लाका ६ वटै निर्वाचन क्षेत्रमा जित हासिल गरेको हो।
मोरङ ३ मा रास्वपाका गणेश कार्की ३६ हजार ९२४ मतका साथि विजयी भएका छन्। उनका निकटतम प्रतिस्पर्धी कांग्रेसका सुनिल शर्माले २४ हजार ३५४ मत प्राप्त गरेका छन्।
यसअघि मोरङ १ मा रास्वपाका यज्ञमणि न्यौपाने २७ हजार ३६७ मतका साथ विजयी भएका छन्। उनका निकटतम प्रतिस्पर्धी श्रम संस्कृति पार्टीका शान्ति पाख्रिन लामाले १७ हजार ५५२ मत प्राप्त गरिन्।
मोरङ २ मा रास्वपाका कृष्णकुमार कार्की ४० हजार ९२४ मतका साथ विजयी भएका छन्। यहाँ निकटतम प्रतिस्पर्धी दिलिपकुमार अग्रवालले १५ हजार ६२४ मत प्राप्त गरेका छन्। कांग्रेसका मिनेन्द्र रिजालले १२ हजार ७६४ मत प्राप्त गरे।
मोरङ ४ का रास्वपाका सन्तोष राजवंशी ४० हजार ८३३ मतका साथ विजयी भएका छन्। निकटतम प्रतिर्स्पधी कांग्रेसका गुरूराज घिमिरेले १२ हजार ८१८ मत प्राप्त गरेका छन्।
मोरङ ५ मा रास्वपाकी आशा झा ३० हजार ४३४ मतका साथ विजयी भएका छन्। निकटतम कांग्रेसका फूलकुमार लालवानी ९ हजार ४१५ मत प्राप्त गरेका छन्।
मोरङ ६ मा रास्वपाकी रूबिना आचार्यले ५५ हजार ५१३ मत प्राप्त गरेर विजयी भएकी छन्। निकटतम प्रतिस्पर्धी कांग्रेसका शेखर कोइरालाले १२ हजार ८५० मत प्राप्त गरेका छन्।
२०७९ सालको निर्वाचनमा मोरङका ६ मध्ये ३ वटामा कांग्रेस, एउटामा तत्कालीन माओवादी, एउटामा एमाले र एउटामा स्वतन्त्र उम्मेदवार विजयी भएका थिए।
-ink-1772249945.jpeg)
-1746009348.jpg)
