सप्तरी क्षेत्र नं ३ बाट जनता समाजवादी पार्टी(जसपा)का अध्यक्ष उपेन्द्र यादव पराजित भएका छन्।
यादवलाई रास्वपाका अमरकान्त चौधरीले हराएका हुन्।
चौधरीले ३२ हजार ८७५ मत ल्याएका छन् भने यादवले १५ हजार २३९ मत मात्र पाए।
एमालेका ताराकान्त चौधरीले ६ हजार ७१५ मत ल्याए।
यसअघि २०७९ को निर्वाचनमा सप्तरी क्षेत्र नं २ बाट पराजित भएका यादव बारा-२ को उपनिर्वाचनबाट विजयी भएका थिए।
२०६४ मा मोरङ र सुनसरीबाट जितेका यादव २०७४ मा सप्तरी-२ बाट विजयी भएका थिए।
उनी २०६४ देखि लगातार सांसद छन्। यसपालि भने यादवको संसदीय यात्रामा ब्रेक लागेको छ।
-1746009348.jpg)
