निर्वाचन आयोगले धनुषा-१ को मत परिणाम घोषणा नगर्न निर्वाचन अधिकृतको कार्यालयलाई पत्र पठाएको छ।
आयोगले फागुन १८ गते धनुषा १ मा राष्ट्रिय स्वतन्त्र पार्टीका उम्मेदवार किशोरी साह कमलको उम्मेदवारी खारेज गर्ने निर्णय गरेको थियो। उक्त निर्णयविरुद्ध उनी सर्वोच्च अदालत गएका छन्।
निर्वाचन आयोगले अदालतबाट आदेश नहुँदासम्म उक्त क्षेत्रको पहिलो हुने निर्वाचन प्रणाली तर्फको मतपरिणाम घोषणा नगर्न पत्र पठाएको हो।
धनुषा १ मा भइरहेको मतगणनाको क्रममा बदर भएका उम्मेदवार कमलकै पक्षमा मत आइरहेको छ। त्यसबाहेक नेपाली कम्युनिष्ट पार्टीका मातृका यादव, कांग्रेस राम पल्टन साह र एमालेका रामचन्द्र मण्डलबीच प्रतिस्पर्धा भइरहेको हो।
यद्यपि उनीहरूलाई भन्दा बढी मत उम्मेदवारी खारेजीमा परेका कमलकै पक्षमा आइरहेको कार्यालय स्रोतले बताएको हो।
-1746009348.jpg)
