फागुन २१ गते सम्पन्न प्रतिनिधि सभा निर्वाचनको प्रत्यक्षतर्फको मतगणना अन्तिम चरणमा पुगेको छ।
१६५ निर्वाचन क्षेत्रमध्ये १ सय ५६ क्षेत्रको नतिजा सार्वजनिक भइसकेको छ।
जसमा राष्ट्रिय स्वतन्त्र पार्टीले १२० सिट जितेको छ।
त्यस्तै नेपाली कांग्रेसले १७, नेकपा एमाले र नेपाली कम्युनिष्ट पार्टीले समान ७ सिटमा जित हात पारेका छन्।
श्रम संस्कृति पार्टीले ३ सिट र राष्ट्रिय प्रजातन्त्र पार्टीले १ सिटमा जित हात पारेको छ।
धनुषा क्षेत्र नं १ को मतपरिणाम भने घोषणा हुन ढिलाइ हुने भएको छ। निर्वाचन आयोगले त्यहाँको नतिजा तत्काल सार्वजनिक नगर्न निर्वाचन अधिकृतको कार्यालयलाई निर्देशन दिएको छ।
अहिले ८ वटा निर्वाचन क्षेत्रमा मतगणना भइरहेको छ। जसमध्ये ५ वटा निर्वाचन क्षेत्रमा राष्ट्रिय स्वतन्त्र पार्टी अगाडि छ।
सनुसरी ४ मा रास्वपाका दीपककुमार साह अगाडि छन्। उनले हालसम्म ३४ हजार ४ सय १४ मत प्राप्त गरेका छन्। नेपाली कांग्रेसका ज्ञानेन्द्रबहादुर कार्कीले पछ्याइरहेका छन्। कार्कीले १२ हजार ८ सय ३१ मत प्राप्त गरेका छन्। तर दुई बीचको मतान्तर भने फराकिलो छ।
त्यस्तै नुवाकोट १ मा रास्वपाका विक्रम तिमिल्सिना अगाडि छन्। उनले २० हजार २० मत प्राप्त गरेका छन्। कांग्रेसका प्रकाश शरण महत १६ हजार १ सय ४५ मत ल्याएर पछ्याइरहेका छन्।
गोरखा १ मा रास्वपाका सुदन गुरूङ अगाडि छन्। उनले हालसम्म ९ हजार ६ सय ६२ मत प्राप्त गरेका छन्। उनलाई कांग्रेसको प्रेमकुमार खत्रीले पछ्याइरहेका छन्। खत्रीले ८ हजार २ सय ४५ मत प्राप्त गरेका छन्।
गोरखा २ मा रास्वपाका कविन्द्र बुर्लाकोटी अगाडि छन्। उनले २४ हजार ८ सय ९२ मत प्राप्त गरेका छन्। उनीभन्दा नेपाली कांग्रेसका प्रकाशचन्द्र दवाडी धेरै पछाडी छन्। उनले ११ हजार २ सय ९७ मत ल्याएका छन्।
बर्दिया २ मा रास्वापका श्रीधर पोखरेल अगाडि छन्। उनले २८ हजार मत प्राप्त गरेका छन्। उनलाई कांग्रेसका किशोर सिंह राठोरले पछ्याइरहेका छन्। उनले १८ हजार ७ सय १४ मत ल्याएका छन्। दुईबीच १० हजार बढी मतको अन्तर छ।
त्यस्तै नेकपा एमालेका ३ उम्मेदवार अगाडि छन्।
इलाम १ मा नेकपा एमालेका काजिमान कागते अगाडि छन्। उनले ७ हजार ९ सय ९७ मत प्राप्त गरेका छन्। इलाममा रास्वपाका उम्मेदवार र एमाले उम्मेदवारबीच कडा प्रतिस्पर्धा देखिएको छ। रास्वपाका विनोद नेम्वाङ लिम्बुले ७ हजार ७ सय ५५ मत प्राप्त गरे।
संखुवासभामा नेकपा एमालेका अर्जुनकुमार कार्की अगाडि छन्। उनले ६ हजार १ सय ४९ मत प्राप्त गरेका छन्। उनलाई रास्वपाका मिङमा शेर्पाले पछ्याइरहेका छन्। ५ हजार ३ सय ८७ मत मत प्राप्त गरेका छन्।
अछाम २ मा नेकपा एमालेका यज्ञबहादुर बोगटी हालसम्म अगाडि छन्। उनले ८ हजार ८ सय ९९ मत प्राप्त गरेका छन्। उनलाई कांग्रेसका पुष्पबहादुर शाहले पछ्याइरहेका छन्। उनले हालसम्म ८ हजार ३ सय ९७ मत प्राप्त गरेका छन्।
-1746009348.jpg)
