राष्ट्रिय स्वतन्त्र पार्टी (रास्वपा) को देशव्यापी लहरबीच वरिष्ठ नेता बालेन शाहका पूर्वस्वकीय सचिव भूपदेव शाहले भने चुनाव जित्न सकेनन्।
अछाम क्षेत्र नम्बर २ मा उम्मेदवार रहेका उनी चुनावी प्रतिस्पर्धामा चौथो भए।
बालेन काठमाडौं महानगरपालिकाको मेयर हुँदा भूपदेव उनका स्वकीय सचिव थिए।
उनी बालेनसँगै रास्वपा प्रवेश गरेका हुन्।
आइतबार राति सार्वजनिक अन्तिम मत परिणाम अनुसार भूपदेवले ४५६२ मत ल्याएका छन्।
यहाँ नेकपा एमालेका यज्ञबहादुर बोगटी विजयी भएका छन्। निकट प्रतिद्वन्द्वी नेपाली कांग्रेसका पुष्पबहादुर शाहलाई ४७२ मतले हराउँदै बोगटी विजयी भएका हुन्।
अन्तिम मत परिणाम अनुसार बोगटीले ९ हजार ५१८ मत ल्याएका छन् भने शाहले ९ हजार ४६ मत ल्याएका छन्।
तेस्रो स्थानमा रहेका नेपाली कम्युनिस्ट पार्टी (नेकपा) का बलबहादुर कुँवरले ६ हजार ४९३ मत ल्याएका छन्।
-1768904251.jpeg)
-1746009348.jpg)
