मोरङ क्षेत्र नम्बर १ मा राष्ट्रिय स्वतन्त्र पार्टी (रास्वपा) बाट निर्वाचित भएका यज्ञमणि न्यौपानेले स्वतन्त्र कानुन व्यवसायी मञ्चको अध्यक्ष पदबाट राजीनामा दिएका छन्।
उनले सोमबार सञ्चालक समितिसमक्ष राजीनामा पेस गरेका हुन्।
उनले अब आफू साधारण सदस्यको हैसियतमा रहेर काम गर्न चाहेको बताएका छन्।
न्यौपाने फागुन २१ गते भएको निर्वाचनमा २७ हजार ३६७ मत ल्याएर विजयी भएका हुन्।
उनका प्रतिस्पर्धी श्रम संस्कृति पार्टीकी शान्ति पाख्रिन लामाले १७ हजार ५२२ मत ल्याएकी थिइन्।
