राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले केन्द्रीय सदस्य रञ्जन कार्कीलाई पदमुक्त गरेका छन्।
अध्यक्ष लिङ्देनले आज कार्कीलाई पठाएको पत्रमा केन्द्रीय सदस्य पदबाट मुक्त गरिएको उल्लेख छ।
कार्की दोलखाका हुन्।
‘तपाईंलाई राप्रपाको केन्द्रीय सदस्यलगायत पार्टी जिम्मेवारीबाट मुक्त गरिएको छ,’ पत्रमा उल्लेख छ, ‘हालसम्म जिम्मेवारीमा रही कार्य गर्नु भएकोमा हार्दिक धन्यवाद।’
कार्कीसहित ५ जना नेताहरूविरूद्ध पार्टी हितविपरीत कार्य गरेको भन्दै अनुशासन समितिमा उजुरीसमेत परेको थियो।
प्रवक्ता मोहन श्रेष्ठले विज्ञप्ति निकालेर 'पार्टीको नीति र नेतृत्वबारे सञ्चारमाध्यम र सामाजिक सञ्जालमा निरन्तर अफवाह फैलाएको, घृणित अभिव्यक्ति दिएको, भ्रम फैलाउने काममा सक्रिय भएको, गत निर्वाचनमा मतदानको दिन समेत जिल्ला नगएको, मतदानको प्रक्रियामा सहभागी नभएको तर निर्वाचनको विषयमा बारम्बार दुषित टिप्पणी गर्ने गरेकोले पार्टीको केन्द्रीय सदस्य लगायतको सबै जिम्मेवारीबाट मुक्त गरिएको’ उल्लेख गरेका छन्।
यो पनि- राप्रपा विघटन गरौं, जसलाई जस्तो मन लाग्छ त्यस्तै पार्टी पुनर्निर्माण गरौं- रञ्जन कार्की
-1746513231.jpg)
-1746009348.jpg)
