नेपाली कांग्रेसले इरानमा सैनिक हिरासतमा रहेका नेपाली नागरिक अमृत झाको रिहाइका लागि पहल गर्न सरकारसँग माग गरेको छ।
आज बसेको केन्द्रीय कार्यसम्पादन समिति बैठकले झाको रिहाइका लागि प्रभावकारी पहल गर्न सरकारसँग माग गर्ने निर्णय गरेको प्रवक्ता देवराज चालिसेले जानकारी दिए।
‘इरानी सैनिकद्वारा हिरासतमा लिइएका नेपाली नागरिक अमृत झाको सकुशल रिहाइका लागि आवश्यक कूटनीतिक पहल नगरी, केही दिनअघि नै रिहा भइसकेको भनी सम्बन्धित मन्त्रालयका मन्त्रीबाट भ्रामक विवरण सार्वजनिक हुनु दुःखद छ,’ उनले भने, ‘झा हाल कहाँ र कस्तो अवस्थामा राखिएका छन् भन्ने यथार्थ जानकारी संकलन गरी सार्वजनिक गर्न तथा उहाँको शीघ्र रिहाइका लागि तत्काल प्रभावकारी पहल गर्न बैठकले सरकारसमक्ष माग गर्दछ।’
-1746513231.jpg)
-1746009348.jpg)
