नेपाली कांग्रेसका नेता पूर्णबहादुर खड्काले अध्यादेश फिर्ता लिनु सरकारको बुद्धिमानी हुने बताएका छन्।
आह्वान भएको संघीय संसदको दुवै सदनको बैठक स्थगन गरेर अध्यादेश ल्याउनु स्वाभाविक नहुने उनको भनाइ छ।
सरकारले संवैधानिक परिषद र सहकारीसम्बन्धी अध्यादेश ल्याएर जारी गर्न राष्ट्रपतिसमक्ष पठाएको छ।
‘सरकारले संसद नबसेकाे बेला विशेष परिस्थितिमा अति आवश्यक र देशलाई धेरै हित हुने जस्ता विषयमा कहिलेकाहिँ अध्यादेश ल्याउनुलाई स्वाभाविक मानिए पनि यसपटक सर्वथा पृथक काम भयाे, बाेलाएकाे संसद बैठकै नबसाइ संसद स्थगन गरेर अध्यादेश ल्याउनु कुनै पनि तर्कले यसलाई ठिक भन्न मिल्दै, हुँदैन,’ उनले सामाजिक सञ्जाल एक्समा लेखेका छन्।
साथै उनले अध्यादेश फिर्ता लिनु सरकारको बुद्धिमानी हुने बताए।
‘सरकारकाे बुद्धमानि हुन्छ- अध्यादेश फिर्ता गरेर तत्काल संसद बैठक बाेलाई फास्ट ट्र्याकबाट अध्यादेशमा ल्याउन चाहेकाे विषय विधेयकमार्फत् संसदबाटै ल्याउने। अध्यादेशका बिगतका गलत नजिर देखाएर वर्तमान करिब दुई तिहाइकाे सरकारले आफ्नो बाटाे तय गर्नु अहङ्कारी कदम मात्र हुनेछ। यसले न सरकारकाे,न देश र जनताकाे न त लाेकतान्त्रिक मूल्य-मान्यताकाे रक्षाकाे दीर्घकालिन हितमा हुनेछ, बाँकी दुइतिहाइ नजिककाे बालेन सरकारकाे मर्जी,’ उनले भनेका छन्।
-1746009348.jpg)
