कीर्तिपुरको होल्डिङ सेन्टरमा बसिरहेका सुकुम्बासीहरूलाई अहिले केही राहत भएको छ।
अघिल्लो शुक्रबार सरकारले सुकुम्बासी बस्तीका घर टहरामा डोजर चलाएर उनीहरूलाई कीर्तिपुरको राधास्वामी ब्यास सत्सङको हलमा राखेको थियो।
हलको चार किनार पण्डालले बारिएको, पानी पर्दा भित्रै छिर्ने हलमा उनीहरूलाई त्यसै राखिएको थियो।
बालबालिका, बृद्ध, सुत्केरीलाई विशेष व्यवस्था थिएन। डोजर चल्नुअघि झिक्न भ्याएका लत्ताकपडाकै भरमा बस्नुपर्दा उनीहरूको केही रात कष्टपूर्ण बित्यो।
डोजर चलेको दिनमै पानी पर्दा उनीहरूको सकस अझै बढ्यो।
काठमाडौं महानगरले उनीहरूलाई होटलबाटै प्याकिङ गरेर ल्याइदिएको खानेकुरा दिएको थियो।
सुकुम्बासीहरूलाई राखिएको अवस्था सामाजिक सञ्जालदेखि सञ्चारमाध्यमहरूमार्फत सार्वजनिक भएपछि सरकारको चौतर्फी आलोचना पनि भएको थियो।
२/३ दिन भयो त्यहाँको अवस्था बदलिएको। अहिले प्रत्येक परिवारका लागि छुट्टाछुट्टै टेन्टको व्यवस्था छ।
अहिले सत्सङले नै मेस चलाएको छ। बिहान ७ बजे चिया, १० बजे खाना, दिउँसो २ बजे चिया र साँझ ६ बजे खाना खाने समय भनेर हलमा टाँसिएको छ।
घर भत्किँदा कति सुकुम्बासीको औषधी पनि पुरिए।
होल्डिङ सेन्टरमा ल्याएपछि रक्तचापका बिरामीहरूले औषधि नपाएको गुनासो गरेका थिए।
अहिले होल्डिङ सेन्टरमा हेल्थ डेस्क पनि राखेको छ। त्यहाँ एक स्वास्थ्यकर्मी खटाएर सामान्य चेकजाँच र औषधीको व्यवस्था गरिएको छ।
सरकारले स्क्रिनिङपछि उनीहरूलाई नागार्जुन अपार्टमेन्टमा लैजाने भनेको छ। १५ दिनभित्र सबै प्रक्रिया सकेर उनीहरूलाई लैजाने भनेको थियो।
नागार्जुनको अपार्टमेन्टमा तत्काल करिब ४५ परिवार मात्रै राख्न मिल्छ। कीर्तिपुरको होल्डिङ सेन्टरमा झन्डै ५८ परिवार बसिरहेका छन्।
तस्बिरहरूः
-ink-1777725658.jpeg)
-ink-1777725659.jpeg)
-ink-1777725659.jpeg)
-ink-1777725659.jpeg)
-ink-1777725659.jpeg)
-ink-1777725659.jpeg)
-ink-1777725658.jpeg)
-ink-1777725658.jpeg)
-ink-1777725658.jpeg)
-ink-1777725657.jpeg)
-ink-1777725658.jpeg)
-ink-1777725658.jpeg)
सबै तस्बिरः नेपाल फोटो लाइब्रेरी
-ink-1777725658.jpeg)
-1746009348.jpg)
