राष्ट्रिय स्वतन्त्र पार्टी (रास्वपा)का सभापति रवि लामिछानेले संवैधानिक परिषदसँग सम्बन्धित अध्यादेश फिर्ता गरेको विषयमा कारण बुझेपछि मात्रै प्रतिक्रिया दिने बताएका छन्।
आइतबार केन्द्रीय पार्टी कार्यालय बनस्थलीमा बसेको सचिवालय बैठक पछि सञ्चारकर्मीसँग कुराकानी गर्दै उनले यस विषयमा बुझेर प्रतिक्रिया दिने बताएका हुन्।
‘मैले बुझ्नुपर्ला, के भन्नुभएको छ, बुझेपछि मात्रै प्रतिक्रिया दिउँला। भर्खरै बैठकबाट निस्कियौं। त्यसमा केही न केही कारणहरू त राख्नुभएको पनि होला, पक्कै पनि। बुझौं। मैले तपाईंले भनेरै थाहा पाएँ। बैठकबाट निस्किएको हुनाले। बुझेर मात्रै प्रतिक्रिया दिउँला, ’ उनले भने।
उनले उक्त अध्यादेशमा बहुमतको परिभाषा लगायत विविध विषयलाई व्याख्या गरिएको बताए।
‘बहुमतलाई व्याख्या पनि गर्नुपर्छ। त्यसका व्याख्यासहित जसरी राष्ट्रपति समक्ष प्रस्तुत भएको छ। त्यसमा बहुमतलाई व्याख्या समेत गरिएको छ। यो चरणमा के, यति जना उपस्थित हुँदा के, अनुपस्थित हुँदा के, सबै कुरा व्याख्या गरिएको छ। यसकारण यसलाई राम्रोसँग बुझेर प्रतिक्रिया दिउँला,’ उनले भने।
आइतबार मात्रै राष्ट्रपति रामचन्द्र पौडेलले उक्त अध्यादेश पुनर्विचारका लागि सरकार समक्ष फिर्ता पठाएका हुन्।
-1746009348.jpg)
