७ जना पूर्वराजदूतले सीमा रक्षाका लागि अविलम्ब कूटनीतिक पहल गर्न सरकारको ध्यानाकर्षण गराएको छ।
सोमबार चीनका लागि नेपाली राजदूतहरूले प्रेस वक्तव्य जारी गर्दै सीमा विवादको समाधानका लागि कूटनीतिक पहल गर्न भनेको हो।
उनीहरूले नेपाल-चीनबीच दौत्य सम्बन्ध ७० वर्ष पूरा भएको उपलक्ष्यमा सम्बन्धलाई प्रगाढ बनाउन सकिने भन्ने छलफल गरेका थिए।
उनीहरूले लिपुलेक, कालापानी र लिम्पियाधुरा नेपालको अभिन्न भूभाग रहेको बताउँदै परराष्ट्र मन्त्रालयले आइतबार जारी गरेको वक्तव्यको पनि सराह्रना गरेको छ।
‘लिपुलेक कालापानी र लिपियाधुरा नेपालको अभिन्न भूभाग भएको हुँदा चीन र भारत नेपालको सार्वभौमिकताप्रति संवेदनशिल हुने विश्वास व्यक्त गर्दै र नेपाल सरकारले जारी गरेको वक्तव्य को सराह्रना गर्दै आफ्नो सार्वभौम सीमा रक्षाकालागि अविलम्ब कूटनीतिक पहल गर्न सराकारको ध्यानाकर्षण समेत गर्दछौं,’ वक्तव्यमा भनिएको छ।
त्यस्तै संवेदनशील र प्रभावकारी परराष्ट्र नीति अपनाउन अपिल गरेको हो।
‘वर्तमान द्वन्दग्रस्त विश्व राजनीतिक, कूटनीतिक परिस्थिति, मध्यपूर्वमा देखिएको द्वन्द र त्यसले नेपाललाई पारेको प्रत्यक्ष र परोक्ष असरबारे गहिरो चिन्ता र चासो समेत ब्यक्त गर्दै नेपाल सरकारले संवेदनशील र प्रभावकारी परराष्ट्रनीति अपनाउने विश्वास पनि व्यक्त गर्दछौं,’ वक्तव्यमा भनिएको छ।
चीनका लागि नेपाली पूर्वराजदुतहरू राजेश्वर आचार्य, महेन्द्र पाण्डे, टंक कार्की, महेश मास्के, लीलामणि पौडेल, विष्णुपुकार श्रेष्ठ र कृष्णप्रसाद ओलीले हस्ताक्षर गरेका छन्।
-1746009348.jpg)
