नेकपा (एमाले)का नेता गोकुल बास्कोटाले प्रदेश, जिल्ला समन्वय समिति, प्रतिनिधि सभाको समानुपातिक प्रणाली खारेज गर्ने गरी संविधान संशोधन गर्न सुझाव दिएका छन्।
नेता बास्कोटाले सामाजिक सञ्जाल फेसबुकमार्फत् राष्ट्रिय सभा अध्यक्षको खारेज गर्न सुझाव दिँदै उपराष्ट्रपति नै सभाध्यक्ष हुने व्यवस्था गर्न भनेका छन्।
‘पहिला रास्वपा संघीयता खारेज भन्थ्यो अब संविधान संशोधन गर्ने कि नाइँ? गर्ने हो भने केन्द्र र पालिका मात्र होस्,’ उनले भनेका छन्।
राष्ट्रिय सभा १०५ सिटको बनाउनुपर्ने उनको सुझाव छ। राष्ट्रिय सभा पूरै समावेशी चरित्रको बनाउने, महिला पुरुष ५०– ५० प्रतिशत राख्न पनि उनले भनेका छन्।
‘प्रतिनिधिसभा समानुपातिक सिट खारेज, महिला पुरुष ४० र ६० प्रतिशत प्रत्यक्ष निर्वाचित होस्। जिसस (जिल्ला समन्वय समिति) पर्दैन,’ उनले भनेका छन्।
-1746009348.jpg)
