प्रतिनिधि सभाको बैठक भोलिसम्मका लागि स्थगित भएको छ।
आजको बैठकमा विपक्षी दलका सांसदहरूले प्रधानमन्त्री बालेन शाह उपस्थित हुनुपर्ने अडान राखेका थिए।
जसका कारण पटक पटक सभामुख डोलप्रसाद अर्यालले बैठक स्थगित गर्दै सञ्चालन गर्दै आएका थिए।
अपराह्न बसेको बैठकमा पनि विपक्षी दलले विरोध कायमै राखेपछि भोलिसम्मका लागि बैठक स्थगित भएको छ।
सभामुख अर्यालले बिहीबार बिहान ११ बजे बस्ने गरी बैठक स्थगित गरेका छन्।
नीति तथा कार्यक्रममाथि सांसदहरूले राखेका प्रश्नमा प्रधानमन्त्रीले जबाफ दिने कार्यसूची भए पनि प्रधानमन्त्रीले आफ्नो प्रतिनिधिका रूपमा अर्थमन्त्री स्वर्णिम वाग्लेलाई बोल्न पठाएको जानकारी सभामुखले बैठकमा दिएका थिए।
त्यसपछि विपक्षी दलहरूले प्रधानमन्त्री नै उपस्थित हुनुपर्ने भन्दै अवरोध गरेका थिए।
सत्तारूढ रास्वपाले भने प्रधानमन्त्री आउनैपर्छ भन्ने नरहेको तर्क गरेको थियो।
-1778665337.jpg)
