प्रमुख प्रतिपक्षी नेपाली कांग्रेसका सांसद अर्जुननरसिंह केसीले प्रधानमन्त्री बालेन शाह प्रतिनिधि सभा बैठकमा अनुपस्थित रहने गरेकोमा प्रश्न उठाएका छन्।
मनसुन सुरू हुन लागेको सन्दर्भमा चर्चा गर्दै उनले गृहमन्त्रीसमेत रहेका प्रधानमन्त्री शाह संसदको अंग हो कि होइन भनेर सभामुखलाई सोधेका हुन्।
आजको प्रतिनिधि सभा बैठकमा बोल्दै सांसद केसीले भने, ‘प्रधानमन्त्री नै अहिले गृहमन्त्री हुनुहुन्छ। उहाँ यो संसदको अंग हो कि होइन सभामुखजी? मैले चाहिँ अहिले थाहा पाएको छैन। उहाँ भिन्दै साम्राज्य वा टापुको सम्राट हो कि, यो संसदको अभिन्न अंग हो?’
नीति तथा कार्यक्रममाथि सांसदहरूले उठाएका प्रश्नको जबाफ दिन प्रधानमन्त्री शाह प्रतिनिधि सभा बैठकमा गएका थिएनन्। उनको सट्टा अर्थमन्त्री स्वर्णिम वाग्लेले जबाफ दिएका थिए।
