सर्वोच्च अदालतले पेशी व्यवस्थापनका लागि गोला प्रक्रियाको पुनर्विचार गर्ने कनै पनि सोच नभएको बताएको छ।
बुधबार सर्वोच्चका प्रवक्ता एवं सहरजिस्ट्रार अर्जुनप्रसाद कोइरालाले विज्ञप्ति जारी गर्दै गोला प्रक्रियाबारे पुनर्विचार गर्ने कुनै पनि सोच नभएको बताएका हुन्।
‘दैनिक पेशी व्यवस्थापनका लागि अवल्बन गरिएको गोला प्रक्रियाको बारेमा पुनर्विचार गर्ने कुनै पनि सोच र धारणा औपचारिक रूपमा कतै पनि चर्चा र छलफल नभएको तथा गोला प्रक्रियालाई परिवर्तन गर्ने सम्बन्धमा आधिकारिक रूपमा कुनै धारणा समेत नरहेको हुँदा सञ्चारमामध्यम एवं सामाजिक संचालमा प्रक्राशित एवं प्रसारित समाचार एवं व्यक्त भएका धारणा तथ्यमा आधारित नभएको वेहोरा सम्बन्धित सबैको जानकारीको लागि यो सूचना प्रकाशित गरिएको छ,’ विज्ञप्तिमा भनिएको छ।
केही समयअघि नेपाल बार एशोसिएशनका अध्यक्ष विजयप्रसाद मिश्रले गोला हटाउन खोजिएको भन्दै आपत्ति जनाएका थिए।
उनले गोला हटाइएमा कसरी आन्दोलन हुने भन्नेबारे सोच्न पर्ने बताएका थिए।
‘अहिले सर्वोच्च अदालतमा गोलाप्रथा प्रणाली हटाउने भन्ने कुरा आइरहेको छ। यदि त्यो हटायो भने के आन्दोलन गर्ने भन्ने अर्को एन्जाइटी छ,’ उनले भनेका थिए।
-1778668160.jpg)
