नेपाली कांग्रेसले नयाँ क्रियाशील सदस्यताका लागि आवेदन खुला गरेको छ।
महामन्त्री प्रदीप पौडेल संयोजक रहेको सदस्यता व्यवस्थापन समितिको सोमबारको बैठकले नयाँ क्रियाशील सदस्यताका लागि आवेदन खुला गर्ने निर्णय गरेको कार्यवाहक मुख्यसचिव कृष्णप्रसाद दुलालले जानकारी दिए।
कांग्रेसका अनुसार क्रियाशील सदस्यता पाउन ३ वटा प्रतिबद्धता आवश्यक छ।
नेपालको संविधान, पार्टी विधान र नियमावली तथा पार्टी अनुशासनको पूर्ण पालना गर्ने प्रतिबद्धतासहित आवदेन दिए नयाँ सदस्यता लिन पाइनेछ।
कांग्रेसले पार्टी वेबसाइटमार्फत् सहज र सरल रूपमा नयाँ क्रियाशील सदस्यता आवेदन दिन सकिने पनि जनाएको छ।
कांग्रेसमा २०७८ को १४ औं महाधिवेशनमा ८ लाख ७० हजार क्रियाशील सदस्य थिए। गत पुससम्म ६ लाखले नवीकरण गरेका थिए।
त्यसबेला नवीकरण गरेकाहरूलाई वैशाख १ देखि जेठ २१ सम्म समय दिएर अध्यावधिक गर्ने काम भइरहेको छ। साथै नयाँ क्रियाशील सदस्यता वितरण गर्न आवेदनसमेत खुला गरिएको पार्टीले जनाएको छ।
