गृहमन्त्री सुधन गुरूङ सुनसरी जाने भएका छन्।
बिहीबार प्रधानमन्त्री बालेन शाहसँग छलफल गरेपछि मन्त्री गुरूङ सुनसरी जान लागेको प्रधानमन्त्रीका प्रेस सहजकर्ता सुरेन्द्र बजगाईंले जानकारी दिए।
‘सम्माननीयज्यूसँग छलफल गरेपछि गृहमन्त्रीज्यू सुनसरीका लागि निस्किनुभएको छ,’ उनले भने।
गत साउन १० गते सुनसरीमा भएको झडपमा मृत्यु भएका ओमप्रकाश मेहता र सोही झडपमा घाइते भइ उपचारका क्रममा आज मृत्यु भएका जयप्रकाश मेहताका परिवारसँग भेट गर्ने कार्यक्रम रहेको प्रधानमन्त्री कार्यालयले जनाएको छ।
मन्त्री गुरुङसँगै स्वास्थ्य तथा खाद्य स्वच्छतामन्त्री निशा मेहता पनि सुनसरी जान लागेका छन्। सुनसरी मन्त्री मेहताको गृह जिल्ला हो।
उनीसँगै मधेसका सांसदहरू पनि जान लागेका छन्।
-1774605909.jpg)
